ಬೀನಾ ಗೋರೆ ಅವರ ಮಹಾಪ್ರಬಂಧಕ್ಕೆ ದಾವಣಗೆರೆ ವಿಶ್ವವಿದ್ಯಾಲಯದ ಅಂಕಿತ

ದಾವಣಗೆರೆ: ಸೂಕ್ಷ್ಮಜೀವಶಾಸ್ತ್ರ ವಿಭಾಗದಲ್ಲಿ ಸಂಶೋಧನೆ ನಡೆಸಿದ ಬೀನಾ ಗೋರೆ ಅವರು “ಸ್ಟಡೀಸ್ ಆನ್ ವೇರಿಯಬಿಲಿಟಿ ಇನ್ ಬೈಪೋಲಾರಿಸ್ ಸ್ಪೀಷೀಸ್ ಆಂಡ್ ಕರ್ವುಲೇರಿಯಾ ಸ್ಪೀಷೀಸ್” ಎಂಬ ವಿಷಯದ ಸಂಶೋಧನ ಕುರಿತು ಮಂಡಿಸಿದ ಮಹಾಪ್ರಬಂಧಕ್ಕೆ ದಾವಣಗೆರೆ ವಿಶ್ವವಿದ್ಯಾಲಯವು ಪಿಎಚ್.ಡಿ. ಪದವಿ ನೀಡಿದೆ.

ದಾವಣಗೆರೆ ವಿಶ್ವವಿದ್ಯಾಲಯದ ಸೂಕ್ಷ್ಮಜೀವಶಾಸ್ತ್ರ ವಿಭಾಗದ ಪ್ರಾಧ್ಯಾಪಕ ಡಾ. ಎಸ್. ಶಿಶುಪಾಲ ಅವರ ಮಾರ್ಗದರ್ಶನದಲ್ಲಿ ಸಂಶೋಧನೆ ಕೈಗೊಂಡ ಬೀನಾ, ಪ್ರಮುಖ ಸಸ್ಯರೋಗಕಾರಕ ಶಿಲೀಂಧ್ರಗಳಾದ ಬೈಪೋಲಾರಿಸ್ ಮತ್ತು ಕರ್ವುಲೇರಿಯಾಗಳ ರೂಪಲಕ್ಷಣ, ಶಾರೀರಿಕ, ರೋಗಕಾರಕ ಹಾಗೂ ಜೀವರಾಸಾಯನಿಕ ವೈವಿಧ್ಯತೆಯನ್ನು ಅಧ್ಯಯನ ಮಾಡಿದ್ದಾರೆ.

ಅವರ ಸಾಧನೆಗೆ ತಂದೆ ಪ್ರಭಾಕರ ರಾವ್, ತಾಯಿ ನೀತಾ ಪ್ರಭಾಕರ, ಮಾವ ವಿಶ್ವನಾಥ ಜಿ. ಎಲ್., ಅತ್ತೆ ಜಿ. ಎನ್. ಮರಾಠೆ, ಪತಿ ಶ್ರೀಹರ್ಷ ವಿ. ಜಿ. ಹಾಗೂ ಪುತ್ರ ಶ್ರೀನಿಧಿ ಎಸ್. ಜಾಧವ್ ಹರ್ಷ ವ್ಯಕ್ತಪಡಿಸಿ, ಅಭಿನಂದನೆ ಸಲ್ಲಿಸಿದ್ದಾರೆ.