ಡಾ. ಪ್ರಭಾ ಸಂಸದರಾಗಿ 1 ವರ್ಷ: ನನ್ನ ಕನಸು, ನನ್ನ ನಗರ ಹೆಸರಿನಲ್ಲಿ ಚಿತ್ರಕಲಾ ಸ್ಪರ್ಧೆ

ದಾವಣಗೆರೆ, ಮೇ 21, 2025: ದಾವಣಗೆರೆ ಲೋಕಸಭಾ ಕ್ಷೇತ್ರದ ಸಂಸದರಾದ ಡಾ. ಪ್ರಭಾ ಮಲ್ಲಿಕಾರ್ಜುನ್ ಅವರು ಒಂದು ವರ್ಷದ ಯಶಸ್ವಿ ಸಾರ್ವಜನಿಕ ಸೇವೆಯನ್ನು ಪೂರೈಸಿದ ಸಂಭ್ರಮದಲ್ಲಿ, ಟೀಮ್ ಪ್ರಭಾ ವಿಕಾಸ್ ತಂಡವು ದಾವಣಗೆರೆ ನಾಗರಿಕರಿಗಾಗಿ “ದಾವಣಗೆರೆ-2030: ನನ್ನ ಕನಸು, ನನ್ನ ನಗರ” ಎಂಬ ಥೀಮ್‌ನಡಿಯಲ್ಲಿ ಆನ್‌ಲೈನ್ ಚಿತ್ರಕಲಾ ಸ್ಪರ್ಧೆಯನ್ನು ಆಯೋಜಿಸಿದೆ.

ಈ ಸ್ಪರ್ಧೆಯು ಸಂಸದರ ಒಂದು ವರ್ಷದ ಸೇವೆಯನ್ನು ಆಧರಿಸಿ, ಸಾರ್ವಜನಿಕರ ದೃಷ್ಟಿಕೋನದಲ್ಲಿ ದಾವಣಗೆರೆಯ ಭವಿಷ್ಯದ ರೂಪ ಮತ್ತು ಅಭಿವೃದ್ಧಿಯ ದಿಕ್ಕನ್ನು ಚಿತ್ರಿಸುವ ಗುರಿಯನ್ನು ಹೊಂದಿದೆ. 7-14 ವರ್ಷ, 15-20 ವರ್ಷ, 21-24 ವರ್ಷ ಹಾಗೂ 25 ವರ್ಷ ಮೇಲ್ಪಟ್ಟವರಿಗೆಂದು ವಿಭಾಗಗಳನ್ನು ವಿಂಗಡಿಸಲಾಗಿದೆ. ಪ್ರತಿ ವಿಭಾಗದಲ್ಲಿ ಮೊದಲ ಬಹುಮಾನವಾಗಿ ರೂ.5,000 ಮತ್ತು ಪ್ರಮಾಣಪತ್ರ, ಎರಡನೇ ಬಹುಮಾನವಾಗಿ ರೂ.3,000 ಮತ್ತು ಪ್ರಮಾಣಪತ್ರವನ್ನು ನೀಡಲಾಗುವುದು.

ಸ್ಪರ್ಧೆಯ ನಿಯಮಗಳು

• ಚಿತ್ರ ರಚನೆಗೆ ಪೆನ್ಸಿಲ್, ಕ್ರಯೋನ್, ಜಲವರ್ಣ, ಸ್ಕೆಚ್ ಪೆನ್, ಅಕ್ರಿಲಿಕ್ ಬಣ್ಣ, ಆಯಿಲ್ ಪೇಂಟ್ ಅಥವಾ ಗ್ರಾಫೈಟ್ ಪೆನ್ಸಿಲ್ ಬಳಸಬಹುದು.
• ಕಲಾಕೃತಿಯನ್ನು ಕಾಗದ ಅಥವಾ ಕ್ಯಾನ್ವಾಸ್‌ನಲ್ಲಿ ರಚಿಸಿ, ಉತ್ತಮ ಗುಣಮಟ್ಟದಲ್ಲಿ ಸ್ಕ್ಯಾನ್ ಮಾಡಬೇಕು.
  ಸ್ಪರ್ಧಿಗಳು ತಮ್ಮ ಪೂರ್ಣ ಹೆಸರು, ಹುಟ್ಟಿದ ದಿನಾಂಕ, ವಯೋಮಿತಿ, ಶಾಲೆ/ಕಾಲೇಜಿನ ಹೆಸರು (25 ವರ್ಷ ಮೇಲ್ಪಟ್ಟವರಿಗೆ ಶೈಕ್ಷಣಿಕ ಅರ್ಹತೆ), ಸಂಪರ್ಕ ಸಂಖ್ಯೆ, ಕಲಾಕೃತಿಯ ಶೀರ್ಷಿಕೆ ಮತ್ತು 300 ಪದಗಳಿಗಿಂತ ಕಡಿಮೆಯಿರುವ ಕಲಾಕೃತಿಯ ವಿವರಣೆಯನ್ನು ಸಲ್ಲಿಸಬೇಕು.
  ಕಲಾಕೃತಿಯ ಛಾಯಾಚಿತ್ರವನ್ನು ಕನಿಷ್ಠ 200 ಪಿಕ್ಸೆಲ್ ಗುಣಮಟ್ಟದಲ್ಲಿ ತೆಗೆದು ಇ-ಮೇಲ್ ಮೂಲಕ ಸಲ್ಲಿಸಬೇಕು.

ಅರ್ಜಿ ಸಲ್ಲಿಕೆ ವಿವರ:

• ಕಲಾಕೃತಿಯನ್ನು ಜೂನ್ 4, 2025, ರಾತ್ರಿ 11:59ರ ಒಳಗೆ drprabhacolours-davangere@gmail.comಗೆ ಇ-ಮೇಲ್ ಮೂಲಕ ಕಳುಹಿಸಬೇಕು.
• ಆಫ್‌ಲೈನ್ ಸಲ್ಲಿಕೆಗಳನ್ನು ಸ್ವೀಕರಿಸಲಾಗುವುದಿಲ್ಲ.
• ತೀರ್ಪುಗಾರರ ನಿರ್ಧಾರವೇ ಅಂತಿಮವಾಗಿರುತ್ತದೆ.

ಹೆಚ್ಚಿನ ಮಾಹಿತಿಗೆ: ಟೀಮ್ ಪ್ರಭಾ ವಿಕಾಸ್ ತಂಡವನ್ನು 9980769117 ಸಂಖ್ಯೆಯಲ್ಲಿ ಸಂಪರ್ಕಿಸಬಹುದು.
ಈ ಸ್ಪರ್ಧೆಯು ದಾವಣಗೆರೆಯ ಯುವ ಪ್ರತಿಭೆಗಳಿಗೆ ತಮ್ಮ ಕಲಾತ್ಮಕ ದೃಷ್ಟಿಕೋನವನ್ನು ವ್ಯಕ್ತಪಡಿಸಲು ಮತ್ತು ನಗರದ ಭವಿಷ್ಯದ ಕನಸನ್ನು ಚಿತ್ರಿಸಲು ಅದ್ಭುತ ವೇದಿಕೆಯಾಗಿದೆ.